གསར་འགྱུར་ཅིག

ཀུན་རྫོབ་བདེན་པ་དེ་ཡོད་པ་རེད་དྲན་ནས་འཁོར་བ་བློས་གཏང་མ་ཐུབ་པ་རེད།

དོན་དམ་བདེན་པ་དེ་མེད་པ་རེད་དྲན་ནས་ཐར་པ་ལ་ཡིད་ཆེས་མ་ཐུབ་པ་རེད།

ཐོས་བསམ་གྱི་སྐབས་ན་བདེན་པ་དེ་གཉིས་སོ་སོར་ཤན་འབྱེད་ཤེས་པ་དེ་གལ་ཆེན་པོ་རེད། སྒོམ་པའི་སྐབས་སུ་བདེན་པ་དེ་གཉིས་ཕྱོགས་རེ་བ་མ་སོང་བ་གལ་ཆེ།

ཀུན་རྫོབ་བདེན་པ་ཡོད་པར་ཐལ།

དོན་དམ་བདེན་པ་མེད་པར་ཐལ།

རྐྱང་རྐྱང་ལབ་ནས་མི་ཚེ་རྫོགས་སོང་ན། མཐར་མིའི་འགྲོ་སྟངས་ཙམ་ཡང་མི་ཤེས་མཁན། སྨྱོ་ཚུབ་ཚུབ་ཅན་ཞིག་འགྱུར་ངེས་ཅན་རེད།

ཀུན་རྫོབ་བདེན་པའི་ཆབ་ཁང་ནང་དུ་ལྷུང་ན་དེ་ཙམ་སྐྱོན་མེད། འདྲེ་ལོག་བརྒྱབས་ཏེ་ཡར་ལངས་ནས་ཁྲུས་བྱས་ན་གཙང་མ་རེད་འགྲོ་རེད།

ང་ཚོ་ལ་ཡོད་ཤག་ཤག རེ་སྒུག་སྟོང་པ་མིན་ཤག་ཤག སྔོན་ན་སྒུག་ཡོད་ཤག་ཤག་དེ་ནི། འཆི་བ་འཆི་བ་ཞེས་བྱ་བ་འདི་རེད། དེ་ནི་བདུད་དང་བར་ཆད་གང་གིས་ཀྱང་གླགས་བཙལ་ཀྱང་གླགས་མི་རྙེད་པར་ང་ཚོའི་མདུན་དུ་སླེབས་ངེས་ཅན་གྱི་དོན་དག་ཅིག་རེད། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དཔུང་བསྒྲིགས་ཀྱང་ཟློག་ཐབས་མེད་པའི་དོན་དག་ཅིག་ཀྱང་རེད། དེའི་ཕྱིར་ད་ལྟ་ནས་ནམ་འཆི་བའི་དུས་ལ་བབས་པ་ན་འཆི་ཁ་གནད་གཅོད་ཀྱི་སྡུག་བསྔལ་མྱོང་མི་དགོས་པ་དང་། ཤི་ནས་ངན་སོང་གི་གནས་སུ་མི་ལྟུང་བའི་ཐབས་སུ་འབད་པ་རེ་བྱེད་རྒྱུ་གལ་ཆེ།

༄། །གྲུབ་དབང་བླ་མའི་སྐུ་ཡི་རྒྱལ་ཚབ་སྟེ།།
རྣམ་གསུམ་ངུར་སྨྲིག་གོས་ཀྱི་ལེགས་པར་བཀླུབས།།
ཚུལ་འཆལ་ཕྲ་མོ་མ་གོས་འདུལ་འཛིན་པ།།
གནས་བརྟན་རྒན་པོ་ཞིག་གི་རྣམ་ཐར་འཆང་།།

གྲུབ་དབང་བླ་མའི་གསུང་གི་རྒྱལ་ཚབ་སྟེ།།
དོན་མེད་ངག་འཆལ་མི་མངའ་ཞལ་སྒོ་བཙུན།།
གསུང་ཚད་འགྲོ་ཀུན་དགེ་བའི་སྣང་བ་སྟེར།།
བྱང་ཆུབ་སེམས་དཔའི་མཛད་པ་བདག་གིར་བཞེས།།

གྲུབ་དབང་བླ་མའི་ཐུགས་ཀྱི་རྒྱལ་ཚབ་སྟེ།།
ཐུགས་སྒམ་གཏིང་ཟབ་གཞན་གྱིས་དཔོག་པར་དཀའ།།
རིམ་གཉིས་ལམ་ལས་ལྟ་སྒོམ་མཐོན་པོར་བསྙེགས།།
གསུམ་ལྡན་རྡོ་རྗེ་འཛིན་པའི་ངོ་བོར་བཞེངས།།

གྲུབ་དབང་བླ་མའི་ཐུགས་ཀྱི་བདེན་སྟོབས་དང་།།
བདག་གི་ལྷག་བསམ་རྣམ་པར་དག་པའི་མཐུས།།
མགོན་པོ་ཁྱེད་ཀྱི་སྐུ་ཚེ་མཛད་ཕྲིན་གང་།།
ནམ་མཁའ་ཇི་སྲིད་བར་དུ་གཡོ་མེད་ཤོག། །།

ཅེས་པའང་མདང་དགོང་རྨི་ལམ་དུ་གྲུབ་དབང་བླ་མའི་ཞལ་མཇལ་ནས། དེ་རིང་སྐུ་ཆེན་རིན་པོ་ཆེ་ཕེབས་མ་སོང་། སྨྱུ་གུ་དེ་མ་རྩ་ཁོང་ལ་ཕུལ་ཡས་ཡིན་ཏེ་ད་ཁོང་ཕེབས་མ་སོང་བ་གསུངས་ནས་སྨྱུ་གུ་ལྔ་ཙམ་ཞིག་འདི་ད་ཁྱེད་ལ་རྔན་པ་སྤྲད་ཞག་གོ་ཞེས་གསུངས་བ་རྨིས། དེ་རིང་ཕྱི་དྲོའི་ཆར་དྲྭ་ལམ་ཐོག་ཁོང་གི་སྐུའི་འཁྲུངས་སྐར་ཡིན་པ་མཐོང་པའི་ཚེ། འབངས་ཐ་ཤལ་པ་མཆོག་མིང་ནས་སྨོན་པ་དགེ་ལེགས་སུ་གྱུར་ཅིག སྤྱི་ལོ་ 2025 ཟླ་ 8 ཚེས་ 28 ལ།

དཀོན་མཆོག་སྤྱི་འདུས་ཀྱི་ནས་ཚོགས་འབུམ་འབུལ་དང་ཚེ་དབང་བསྩལ།

ལོ་ཚེས། སྤྱི་ལོ་ ༢༠༢༤ ཟླ་ ༡ ཚེས་ ༢༨ ལ། སྔ་དྲོ་ཕྱག་ཚོད་ ༩ ནས་ ༡༢ བར་ཚོགས་འབུམ་འབུལ་གནང་རྒྱུ། ཕྱི་དྲོ་ཕྱག་ཚོད་ ༢ ནས་ ༥ བར་དཀོན་མཆོག་སྤྱི་འདུས་ཀྱི་སྒོ་ནས་ཚེ་དབང་བསྐུར་གནང་རྒྱུ།

རྫ་ཚེ་བཀྲ་སོགས་ལ་ལོག་བཤད་མ་ལུས་འཇོམས་པའི་སྒྱོགས་མདའ།

༡

ཐོག་མར་རྫོང་སར་མཁྱེན་བརྩེ་རིན་པོ་ཆེ་ལགས་ཀྱིས་སྤྱི་ལོ་ ༢༠༢༠ ལོའི་ཟླ ༢ ་པའི་ཚེས་ ༣ ཉིན་སྨོན་ལམ་ཚོགས་པས་སྤེལ་བའི་ཡི་གེ་དང་མཉམ་དུ་ཁོང་གི་རྙིང་མའི་དབུ་འཛིན་སྐོར་གྱི་གསུང་དེ་དང་།

མཆོག་སྤྲུལ་རིན་པོ་ཆེའི་ང་ལ་ཆང་མགྲོན་བྱས། (མཆོག་སྤྲུལ་རིན་པོ་ཆེའི་ཆང་གནང་ནས་ནད་བཅོས་ཀྱི་ངོ་མཚར་གནང་བ) (ང་དང་ངའི་སློབ་དཔོན་གྱི་རིམ་པ།)

མཆོག་སྤྲུལ་རིན་པོ་ཆེའི་ཞབས་བརྟན་བདེན་སྨོན་འཆི་མེད་རྡོ་རྗེའི་དབྱངས་སྙན་བཞུགས།