གསར་འགྱུར་ཅིག

ཤེས་རབ་ཀྱིས་རང་ཉིད་སྲུང་སྐྱོབ་བྱེད། སྙིང་རྗེ་ཡིས་གཞན་ལ་སྲུང་སྐྱོབ་བྱེད་ཀྱི་ཡོད། དེ་འདྲ་ལ་སྟོང་ཉིད་སྙིང་རྗེ་སྙིང་པོ་ཅན་ཞེས་གོ་བ་ལེན་དགོས་ཀྱི་ཡོད་པ་འདྲ།

༈ ང་རང་ཚོས་གཞན་གྱིས་མགོ་སྐོར་བཏང་ཡོང་དྲན་ནས་སྐྲག་གི་ཡོད་རེད། འོན་ཀྱང་འདི་ལ་དེ་ཙམ་ཉེན་ཁ་ཡོད་མ་རེད། ཡིན་ན་ཡང་། རང་མགོ་རང་གི་བསྐོར་ན་དེ་ལ་མཇུག་རྫོགས་ཡོང་རྒྱུ་ཡོད་མ་རེད། དེ་ཡིན་དུས་རང་མགོ་རང་གིས་མ་བསྐོར་བ་བྱ་རྒྱུ་དེ་ཧ་ཅང་གལ་ཆེན་པོ་རེད།

༈ །གཞན་དོན་བྱེད་ཟེར་བ་དེ། ནུས་པ་ཡོད་མཁན་ཚོས་ལག་པ་རེ་སྐྱོང་། ནུས་པ་མེད་མཁན་ཚོས་སྨོན་ལམ་རེ་རྒྱོབ། དེ་གཉིས་མ་བརྗེད་པ་གྱིས་དང་ཡག་མོ་རེད་འདུག་ཡོད་རེད།

དེང་སང་སྔ་འགྱུར་བ་མང་པོ་ཞིག་གིས་རང་སྟོང་གི་ལྟ་བ་ལ་ཐུགས་དགྱེས་དགྱེས་གནང་གིན་ཡོད་པ་འདྲ།

བདེན་གཉིས་དེ་བཀོལ་སྤྱོད་དུ་མ་ཤེས་ན། ཀུན་རྫོབ་ཏུ་འཛིན་ན་འཁོར་བའི་རྒྱུ། དོན་དམ་དུ་འཛིན་ན་ཐར་པའི་བགེགས།

རིགས་པའི་དགག་བྱ་གཙོ་བོར་བྱས་ནས་ངོ་བོ་སྟོང་པའི་ཆ་གཏན་ལ་འབེབས་མཁན་དེ་དབུ་མ་རང་སྟོང་པ།

འཁོར་འདས་ཀྱི་ཆོས་ཐམས་ཅད་ལ་ཚད་མ་གཉིས་ཀྱི་ཐིག་ངེས་ཅན་དུ་གདབ་དགོས་ཟེར་བའི་བསམ་ཚུལ་དེ་ཡོད་ཕན་ཆད། བདེན་གཉིས་ཟུང་འཇུག་ཟེར་བ་དེ་ཐག་རིང་པོ་ཞིག་ལ་བསྐྱལ་ཚར་བ་རེད།

ཀུན་རྫོབ་བདེན་པ་དེ་ཁ་ལག་ལྟ་བུ་ཞིག་རེད།

དོན་དམ་བདེན་པ་དེ་ཟས་ཚོད་ཟིན་པ་ལྟ་བུ་ཞིག་རེད།

ཀུན་རྫོབ་བདེན་པ་ཟེར་བ་དེ་ལམ་ལྟ་བུ་ཞིག་རེད།

དོན་དམ་བདེན་པ་ཟེར་བ་དེ་བགྲོད་པར་བྱེད་པའི་ཤིང་རྟའི་འཁོར་ལོ་ལྟ་བུ་ཞིག་རེད།

ཆོས་ཐམས་ཅད་སྟོང་ཉིད་ཡིན་པའི་རྒྱུ་མཚན་གྱིས་ཚན་རིག་པ་ཚོ་ལ་ལྟོ་རག་འགྲོ་གིན་ཡོད་རེད།