༼ ཁྱེད་རང་དགོན་པའི་དགེ་བསྐོས་སམ་སློབ་གྲྭའི་དགེ་རྒན་ཞིག་ཡིན་ན་ཁོང་ཁྲོ་ལང་མི་ཉན། ༽
༄། །སློབ་ཕྲུག་ཚོ་སློབ་གྲྭའི་སྒྲིག་འགལ་བྱུང་ཚེ། དགེ་རྒན་རང་ཉིད་ཁོང་ཁྲོ་ལངས་ཏེ་བཤད་རྡུང་ཁོ་ན་བྱེད་པའི་རྟ་ལ་ཁ་ལོ་སློབ་སྟངས་དང་། གཡག་སྣ་ཕུག་པའི་སློབ་གསོ་སྤྲོད་སྟངས་འདི་ད་ནས་མཚམས་བཞག་ན་ཡག་ས་རེད། མ་གཞི་ནས་དགེ་རྒན་ཚོས་ནམ་རྒྱུན་སློབ་ཕྲུག་ཚོའི་གཤིས་ཀ་དང་འཚོ་བ་སྐྱེལ་སྟངས་སོགས་ལ་ཐུགས་བསམ་བཏང་སྟེ། སློབ་ཕྲུག་གི་གཤིས་ལ་གྲུབ་པའི་དགའ་ཕྱོགས་དང་ནུས་པ་སོགས་སྔོག་འདོན་ལེགས་པར་བྱེད་ཐུབ་པའི་སློབ་གསོ་ཡང་ཡང་སྤྲོད་རྒྱུ་གལ་ཆེ། སློབ་ཕྲུག་ཚོ་ཡང་མི་ཞིག་ཡིན་པས། རིམ་གྱིས་ཁྱེད་ཀྱི་ཁར་ཉན་ཏེ་རང་གིས་རང་ལ་འགྱུར་བ་བཏང་འོང་གི་རེད། དེ་དུས་ཁྱེད་ལའང་བཀའ་དྲིན་ཆེ་སྙམ་པའི་བསམ་བློ་འཁོར་འོང་གི་རེད། དེས་ན་ཀུན་གྱི་ཐུགས་ལ་འཛིན་པར་ཞུ།
དཔལ་ཡུལ་མཆོག་སྤྲུལ་མིང་འཛིན་ནས་སྤྱི་ལོ་༢༠༢༠ཟླ་༡༡ཚེས་༢༤ལ།
རྒྱ་ཡིག 當老師的人切記不要亂發脾氣
དབྱིན་ཇིའི་ཡིག A Teacher Must Remember Not to Throw Temper-Tantrums
Wechat link
