ཐོས་བསམ་པ་ཡིན་ན་བཤད་གྲྭ་བ་ཡིན་པས་ཁྱབ་པ་མེད།

༼ ཐོས་བསམ་པ་ཡིན་ན་བཤད་གྲྭ་བ་ཡིན་པས་ཁྱབ་པ་མེད། ༽

༄། །དེང་སང་མཁས་བླུན་མང་པོ་ཞིག་གིས་ཐོས་བསམ་པ་ཡིན་ན་བཤད་གྲྭར་དཔེ་ཆ་སྦྱོང་མཁན་ཞིག་ཡིན་དགོས་རེད་བསམ་གྱིན་འདུག  དེ་ལ་མཐའ་གཅིག་ཏུ་ངེས་པ་ཡོད་པ་མ་རེད།  དཔེར་ན།  མ་ཎི་འདོན་མཁན་ཞིག་ལ་ཆ་བཞག་ན།  ཐོག་མར་བླ་མ་དང་དགེ་བའི་གྲོགས་པོ་གང་རུང་ཞིག་གིས་མ་ཎི་འདོན་དགོས་པར་གསུངས་པ་གོ་ན་དེ་ཐོས་པ་རེད།  ཕན་ཡོན་ཐོས་རྗེས།  དེའི་དོན་ལ་བསམ་ནས་མ་ཎི་བགྲང་རྒྱུ་དེ་ཕན་ཐོགས་པའི་བྱ་བ་ཞིག་རེད་བསམ་ཏེ་འདོན་རྒྱུར་ཐག་བཅད་པ་ཡིན་ན།  དེ་བསམ་པ་རེད།  དེ་འདྲ་ཞིག་ལ་ཐོས་བསམ་ཟེར་བ་རེད།  དེ་ནས་རྒྱུན་པར་ཕན་ཡོན་དེ་སེམས་ལ་བཟུང་ནས་མ་ཎི་བགྲང་བ་ཡིན་ན།  དེ་ལ་སྒོམ་ཟེར་གྱིན་ཡོད་རེད།  དེའི་ཕྱིར་རྒྱུ་མཚན་མེད་པར་གཡམ་རྒྱུགས་གི་སྐད་ཆ་མ་བཤད་རོགས།

དཔལ་ཡུལ་མཆོག་སྤྲུལ་མིང་འཛིན་ནས་སྤྱི་ལོ་༢༠༢༠ཟླ་༡༡ཚེས་༡༠ལ་ཕུལ།

རྒྱ་ཡིག   聞思不一定要在佛學院裡
དབྱིན་ཇིའི་ཡིག   Learning and Contemplating Do Not Require You to Be in a Buddhist Institute
Facebook link