༼ འཐབ་ན་ཁེ་ལོན་རྒྱུ་ཡོད་པ་བརྒྱ་ཆ་བརྒྱ་རེད། ༽
༄། །དགེ་བ་དང་སྡིག་པ་གཉིས་ལག་འཛིང་ཞིག་བྱས་པ་ཡིན་ན། དགེ་བ་ཁེ་རྒྱུ་དང་སྡིག་པ་ཕམ་རྒྱུ་ཡིན་པ་དངོས་པོའི་ཆོས་ཉིད་རེད། དེའི་ཕྱིར་དགེ་བ་སྒྲུབ་ན་སྡིག་པ་འདག་མི་འདག་ལ་སེམས་ཁྲལ་རྩ་བ་ཉིད་ནས་དགོས་པ་མ་རེད། གཙོ་བོ་རང་གི་སེམས་ཀྱིས་ཐག་ཆོད་མི་ཆོད་ལ་རག་ལས་ཡོད། དཔེར་ན། ཕུག་པ་ཞིག་གི་ནང་ལོ་ཁྲི་ཕྲག་མང་པོར་མུན་ནག་ཡིན་ཀྱང་། སྒྲོན་མེ་གཅིག་སྦར་བ་ཡིན་ན། སྐད་ཅིག་གཅིག་གིས་མུན་པ་དེ་ཡོངས་སུ་སེལ་ནུས་པ་ལྟ་བུ་ཡིན། དེས་ན་ཐོག་མེད་ནས་བསགས་པའི་སྡིག་པ་ཡིན་ཡང་། དགེ་བ་སྟོབས་ལྡན་ཞིག་ལ་བརྟེན་ན་སྐད་ཅིག་གཅིག་གིས་འདག་ནུས་པས། ཐོག་མེད་ནས་བསགས་པའི་སྡིག་སྒྲིབ་ཐམས་ཅད་བཤགས་རྒྱུ་ལ་མྱུར་དུ་འབད་པ་གནང་རོགས་ཞུ།
དཔལ་ཡུལ་མཆོག་སྤྲུལ་མིང་འཛིན་ནས་སྤྱི་ལོ་༢༠༢༠ཟླ་༡༡ཚེས་༡༠ལ་ཕུལ།
རྒྱ་ཡིག 只要對決 一定會贏
དབྱིན་ཇིའི་ཡིག Winning Is Guaranteed in a Showdown
Facebook link
