བུ་ལོན་ཚང་མ་སྤྲོད་ཐུབ་སོང་།

༼ བུ་ལོན་ཚང་མ་སྤྲོད་ཐུབ་སོང་། ༽

༦ ༽
གང་ལ་བདག་གིས་ཕན་བཏགས་པའི།།
རེ་བ་ཆེ་བ་གང་ཞིག་གིས།།
ཤིན་ཏུ་མི་རིགས་གནོད་བྱེད་ནའང་།།
བཤེས་གཉེན་དམ་པར་བལྟ་བར་ཤོག།

༄།   །གཞན་གྱིས་བདག་ལ་གནོད་པ་སྐྱེལ་བ་ནི།   ཚེ་སྔ་མའི་ལན་ཆགས་རྣམས་ཚེ་འདི་ལ་འཁོར་ཡོང་བ་ཡིན།   ད་ལྟ་བུ་ལོན་སྤྲོད་པའི་སྐབས་སུ་བབས་པ་ཡིན་པ་མ་གཏོགས།   རྒྱུ་མཚན་མེད་པ་ལས་བྱུང་བ་ཞིག་མ་རེད།   སངས་རྒྱས་ཀྱི་ཞལ་ནས།   ལས་ནི་ས་ལའང་མི་སྨིན།   རྡོ་ལའང་མི་སྨིན།   ཟིན་པའི་ཕུང་པོ་འབའ་ཞིག་ལ་སྨིན་པར་འགྱུར་རོ།།   གསུངས་པ་ལྟར།   ལས་རྒྱུ་འབྲས་འཁོར་གྱི་ཡོད་རེད།   དེའི་ཕྱིར་དགའ་སྤྲོའི་ངང་ནས་དང་ལེན་ཞུ་རྒྱུ་གལ་ཆེན་ཡིན།   འདིའི་དོན་གཟིགས་པ་ཙམ་མ་ཡིན་པར་སེམས་ལ་འཆང་རྒྱུ་གལ་ཆེ།

དཔལ་ཡུལ་མཆོག་སྤྲུལ་མིང་འཛིན་ནས་སྤྱི་ལོ་༢༠༢༠ཟླ་༡༡ཚེས་༡༩ལ།

རྒྱ་ཡིག   太好了　債都還清了
དབྱིན་ཇིའི་ཡིག   Great! All Debts Have Been Repaid!
བློ་སྦྱོང་ཚིག་བརྒྱད་མ་བཞུགས་སོ།།

བློ་སྦྱོང་ཚིག་བརྒྱད་མའི་རིམ་པ།

• ཚིག་་སྐབས་༡།   སེམས་ཅན་ལ་མ་བསྟེན་པར་སངས་རྒྱས་འཐོབ་མི་ཐུབ།
• ཚིག་་སྐབས་༢།   འདྲེ་ཡིས་ཁྱོད་མི་བཟང་པོ་ཡིན་པ་ཤེས་འདུག
• ཚིག་་སྐབས་༣།   གནས་ཚུལ་ཡག་པོ་ཞིག་འདུག
• ཚིག་་སྐབས་༤།   ཁྱེད་ལ་གོ་སྐབས་བཟང་པོ་ཞིག་ཐོབ་སོང་།
• ཚིག་་སྐབས་༥།   ཀུན་གྱི་དགའ་རྟགས་ཁྱེད་ལ་ཐོབ་འོང་།
• ཚིག་་སྐབས་༧།   སྦས་ནས་བསྒྲུབས་ན་བྱ་བ་ཆེན་པོ་འགྲུབ་འོང་།
• ཚིག་་སྐབས་༨།   ཅི་ཙམ་གསང་ཐུབ་ན་དེ་ཙམ་ལེགས་འདུག