༼ ཁར་སང་ཡོད་པས་དེ་རིང་ཡོད། ༽
༄། །སྐྱེ་བ་སྔ་ཕྱི་ཡོད་མེད་ཀྱི་སྐོར་ལ་བསམ་ན། ཚན་རིག་པ་རྣམས་ཀྱིས་ལུས་པོ་ནི་ཕྲ་ཕུང་གིས་གྲུབ་པར་འདོད་ཅིང་། རྣམ་ཤེས་སམ་སེམས་འདི། ཕྲ་རྡུལ་དྭངས་མའི་རྒྱུ་ལས་གྲུབ་བམ། ཡང་ན་དེ་ལས་གཞན་པའི་རྒྱུ་གང་ལས་གྲུབ་ཡོད་པ་དཔྱད་གཞི་ལས་ད་རུང་གསལ་བོར་ཤེས་མེད། སྤྱིར་ན་ཚན་རིག་པ་ཁོང་ཚོས་ཀྱང་རྒྱུ་མེད་ལས་བྱུང་བ་ཞིག་ཁས་མི་ལེན་ཞིང་། མ་ཟད་དོན་དག་གང་ཡིན་ཡང་བདེན་པ་ར་སྤྲོད་བྱུང་ན་ད་གཟོད་ཁས་ལེན་གྱི། གང་བྱུང་དུ་ཁས་ལེན་པར་མི་བྱེད། ནང་པ་སངས་རྒྱས་པའི་ལུགས་ལ་ཕ་མའི་ཁུ་ཁྲག་འདྲེས་པ་ལས་ལུས་པོ་འདི་བྱུང་ཞིང་། རྣམ་ཤེས་ནི་ཚེ་སྔ་མའི་རྣམ་ཤེས་ཀྱི་རྒྱུན་ཕྱི་མ་ཡིན་པར་འདོད་དེ། ད་ལྟའི་ཤེས་པ་གསལ་ཞིང་རིག་པ་འདི་ལ་རྒྱུ་གསལ་རིག་གི་ཤེས་པ་སྔོན་མ་ཞིག་མེད་ན་བེམ་པོ་ཞིག་ལས་གཏན་ནས་འབྱུང་ཐབས་མེད་པ་ནི་ནང་པའི་གཞུང་ལུགས་ཀུན་ལས་རྒྱ་ཆེར་གསུངས། དེའི་གནད་བསྡུ་ན་ང་ཚོ་ཚང་མས་ཁ་སང་དང་དེ་རིང་སང་ཉིན་གསུམ་ཁས་ལེན་པ་ལྟར། ཚེ་སྔ་ཕྱི་བར་གསུམ་ཡང་དེ་དང་རྣམ་པ་ཐམས་ཅད་ནས་ཐམས་ཅད་དུ་མཚུངས་པས། ཚེ་སྔ་ཕྱི་ཡོད་པར་སྒྲུབ་པ་ལ་དཀའ་ངལ་གང་ཡང་མེད། ཁར་སང་ཡོད་པས་དེ་རིང་ཡོད།། ཁར་སང་མེད་ན་དེ་རིང་ཡང་མེད།། དེ་རིང་ཡོད་པས་སང་ཉིན་ཡོད།། དེ་རིང་མེད་ན་སང་ཉིན་ཡང་མེད།། ཚེ་སྔ་མ་ཡོད་པས་ད་ལྟ་ཡོད།། སྔ་མ་མེད་ན་ད་ལྟའང་མེད།། ཚེ་ད་ལྟ་ཡོད་པས་ཕྱི་མ་ཡོད།། ད་ལྟ་མེད་ན་ཕྱི་མའང་མེད།། ཚང་མས་མཁྱེན་རྒྱུ་གལ་ཆེ།
དཔལ་ཡུལ་མཆོག་སྤྲུལ་མིང་འཛིན་ནས་སྤྱི་ལོ་༢༠༢༠ཟླ་༡༡ཚེས་༡༣ལ་ཕུལ།
རྒྱ་ཡིག 因為有昨天 才會有今天
དབྱིན་ཇིའི་ཡིག Today Exists, is Because There is Yesterday
Facebook link
