ཨེ་མ་སྐལ་ལྡན་དལ་ཅིག་བདག་ལ་གསོན།།
ད་ལྟའི་རང་གི་སེམས་ལ་ལྟོས་ཤིག་དང་།།
གོ་མ་འགགས་པ་ད་ལྟའི་ཤེས་པ་འདི།།
རིག་པ་ཡེ་ཤེས་ཆེན་པོ་འདི་ལས་མེད།།

རོང་ཟོམ་པ་ཡི་རིགས་པའི་རྗེས་སུ་ཟློ།།
ཀུན་མཁྱེན་ཆེན་པོའི་དགོངས་པ་མངོན་དུ་གྱུར།།
མདོ་སྔགས་ཆོས་ཀུན་གཅིག་ཤེས་ཀུན་གྲོལ་བ།།
མཆོག་སྤྲུལ་སྨྱོན་པའི་རང་གཤིས་འདི་ཀ་འོ།།

བདག་གིས་ཟླ་བ་ཁ་ཤས་སྔོན་དུ་དྲི་བ་ཐོག་འབེབས་མ་ཟེར་བ་ཞིག་བཀོད་ཡོད་ཀྱང་། དེ་ལ་ད་སྔོན་ཁ་ལྟ་ཚིག་ནག་གི་ལན་ཐབས་ཆག་ཙམ་རེ་ལས། གནད་དུ་སྨིན་པའི་ལན་ཞིག་སུས་ཀྱང་གསུངས་མ་སོང་བས། སེམས་ཅུང་ཟད་མ་ཁེངས་བའི་ཡི་མུག་ཅིག་བྱུང་།

སྤྱིར་ཚད་མས་གྲུབ་ཟེར་བའི་ཚད་མ་འདི་ལ། དབྱེ་ན། ཐ་སྙད་དཔྱོད་པའི་ཚད་མ་དང་། དོན་དམ་དཔྱོད་པའི་ཚད་མ་དང་། རྣལ་འབྱོར་ལམ་མངོན་ཚད་མ་དང་། སངས་རྒྱས་ཀྱི་མཁྱེན་གཉིས་ཚད་མ་སོགས་སུ་དབྱེར་རུང་། ཚད་མ་ཆ་ཚང་གི་རྣམ་བཞག་མ་ཤེས་ན།

གནས་དོན་དྲི་བ་ཐོག་འབེབས་མ་བཞུགས་སོ།།
ཞྭ་མོ་དམར་སེར་གྱོན་པའི་མཁན་པོ་དང་།།
ང་མཁས་ང་བཙུན་སྙམ་པའི་མཁས་དབང་ཚོ།།
དལ་ཅིག་བག་ཕེབས་སྙན་གྱི་དབང་པོ་གཏོད།།