དད་པ་དང་མོས་གུས་ཡོད་ཟེར་བ་དང་།   ཡོད་སྣང་སྐྱེས་པ་ཙམ་གྱིས་ཕན་གྱི་མ་རེད། བླ་མའི་གསུང་ལ་གོང་ཚད་གཏམ་དགོས་སྙམ་པའི་འདུ་ཤེས་དེ་མེད་ཚར་སོང་ན།

ཀློང་ཆེན་ཟེར་བ་དེ་ཆོས་ཐམས་ཅད་ཀྱི་གནས་ལུགས་དེ་ཁོ་ན་ཉིད།   རྒྱ་གང་དུ་ཡང་མ་ཆད།   ཕྱོགས་གང་དུ་ཡང་མ་ལྷུང་ཟེར་བ་རེད།

ཚད་མ་ཚད་མིན་གྱི་དོན་ཁྱད་པར་ཤིན་ཏུ་འབྱེད་ཤེས་པ་བྱུང་བའི་རྗེས་སུ་དེ་ཐམས་ཅད་ཀྱི་ཕུགས་བཙལ་ན་རྟོག་བཏགས་འབའ་ཞིག་ལས་གཞན་དུ་མེད་པའི་གོ་བ་ཞིག་བརྙེད་ཚེ།   གནས་ལུགས་ཟབ་མོའི་དོན་ལ་ཁ་ཐག་ཉེ་བ་ཡིན་ནོ།

དེང་སང་སུ་དང་སུ་ཡིན་རུང་གུ་རུ་རིན་པོ་ཆེ་ཟེར་ནས་ལྷ་རང་མཚན་པ་ཞིག་ཕར་གཅད། ང་ཟེར་ནས་མྱི་རང་མཚན་པ་ཞིག་ཚུར་བཟུང་ནས་གསོལ་འདེབས་མཆོད་བསྟོད་མང་པོ་ཞིག་གནང་གི་འདུག

དག་པ་ཞིག་ལ་དད་པ་འཇོག་པ་ནི་ཐུན་མོང་གི་ལམ་ཡིན་ལ། འོ་ན་མ་དག་པ་ཞིག་ལ་དད་པ་ཞོག་ན་རྡོ་རྗེ་ཐེག་པའི་ཐུན་མོང་མ་ཡིན་པའི་དག་སྣང་ཞེས་པའི་གོ་དོན་ཡིན་སྙམ།