དཔལ་སྤྲུལ་རྡོ་རྗེ་འཆང་གི་ལུང་བསྟན་ནང་དུ་ང་རང་གི་ཕྱི་ནང་གསང་གསུམ་གསལ་བོར་བྲིས་འདུག་པས་སྐྱབས་སུ་མཆི།   གསུང་འདི་མཇལ་མ་ཐག་རང་གིས་རང་ལ་བལྟས་པས་ཇི་མ་ཇི་བཞིན་དུ་འདུག

།ང་རང་འདོད་ཆགས་ཆེ་ལུགས་ལ་བསམ་ན་བྱ་ཡི་སྐྱེ་བ་ཡིན་ངེས།   དེ་བཞིན་དུ་ཞེ་སྡང་ལ་བསམ་ན་སྦྲུལ་དང་།  གཏི་མུག་ལ་བསམ་ན་ཕག་དང་།   ང་རྒྱལ་ལ་བསམ་ན་རྨ་བྱ།

།ང་འདྲ་བ་ལས་ངན།   རང་གི་ཆུང་མར་ཕྲག་དོག་བྱེད་པ།   གཞན་གྱི་ཆུང་མ་ལ་ལོག་གཡེམ་བྱེད་པར་དགའ་བ།   ཆོས་པའི་འབག་གྱོན་ནས་སེམས་ཅན་གཞན་ལ་མགོ་བསྐོར་བ།

ཞིབ་ཏུ་བརྟགས་ན་ཤིན་ཏུ་ནས་ཀྱང་མི་རིགས་པའི་གནོད་བྱེད་མཁན་ཞིག་ཡིན་པས་སྐྱེ་བ་ཚེ་རབས་ཀུན་ཏུ་ང་འདྲ་བའི་ལུས་སུ་མི་སྐྱེ་བའི་སྨོན་ལམ་འདེབས།