༼ རང་ཚུལ་དྲང་པོར་བརྗོད་པའི་གཏམ་ཞེས་བྱ་བ་བཞུགས། ༽
༄།། ཀ་ཡེ་གསོན་དང་བདག་གི་དྲྭ་གྲོགས་ཚོ།།
ཁ་ཙམ་མིན་པར་ཆོས་ལ་མོས་པ་དང་།།
ག་རུ་བསྡད་ཀྱང་ཕྱི་གསལ་ནང་གསལ་འདི།།
ང་ཡི་ལོ་རྒྱུས་ཀུན་གྱི་རྩ་བ་ཡིན།།
ཅ་ག་བདེ་སྤྱོད་བྱེད་ལ་ཤིན་ཏུ་མཁས།།
ཆ་ལུགས་སྐྱ་ཆས་སྤྲས་ཤིང་རྒྱ་མགོ་བཞག།
ཇ་ནག་འཐུང་ཞིང་ཆང་ནི་དེང་སང་བཅད།།
ཉ་སོགས་དམར་ཟས་སྤངས་ནས་དཀར་ཟས་རོལ།།
ཏཱ་ཐ་ག་ཏཱའི་གཞུང་ལ་ཐོས་པ་ཆེ།།
ཐ་མལ་མི་ལ་ཆོས་ཀྱི་སྣང་བ་སྟེར།།
ད་ལོ་ན་ནིང་གཙོ་བོ་འཆི་ཆོས་སྒྲུབ།།
ན་ཚ་མང་ཞིང་ལོ་ཡང་རྒས་ལ་ཉེ།།
པ་རེ་པུ་རེའི་འཆལ་གཏམ་སྨྲ་ལ་འཛེམས།།
ཕ་མ་འགྲོ་དྲུག་ཀུན་ལ་སྙིང་རྗེ་སྒོམ།།
བ་གླང་བཞིན་དུ་མི་ཉལ་དཔེ་ལྟས་བྱེད།།
མ་རྒན་ཤི་ནས་ལོ་འཁོར་མ་ཟིན་ཙམ།།
ཙ་ཀྲ་འཁོར་ལོ་བསྐོར་ཞིང་འོད་མཚན་བགྲང་།།
ཚ་གྲང་མཉམ་པའི་ཐེ་ཝན་ཡུལ་དུ་གནས།།
ཛ་ཡའི་བསྟན་པ་ཕྱོགས་མེད་ཀུན་ལ་དད།།
ཝ་བཞིན་གཡོ་སྒྱུ་མི་ཆེ་སྤྱང་གྲུང་འཛོམས།།
ཞྭ་མོ་མི་གྱོན་རྐང་དོར་གྱོན་ལ་དགའ།།
ཟ་ཁང་ནང་དུ་ཀུན་ལ་སྦྱིན་བདག་བྱེད།།
འ་འུར་མཛེས་མ་མང་པོས་ནམ་རྒྱུན་བསྐོར།།
ཡ་ཆུང་སེམས་འདི་དགའ་རོགས་འཚོལ་ལ་དགའ།།
ར་བ་མཚོ་ཡིས་བསྐོར་བའི་གླིང་ཕྲན་དང་།།
ལ་ལུང་ཀུན་ཏུ་གྲོགས་པོ་མང་པོ་ཡོད།།
ཤ་རུས་གཅིག་པའི་བུ་གཉིས་གཅིག་གྲྭ་བ།།
ས་ཆ་གར་ཡང་འགྲོ་འདུག་བདེ་མོ་ཡི།།
ཧ་ལམ་ཙམ་གྱི་རང་གི་ལོ་རྒྱུས་འདི།།
ཨ་རོགས་ཀུན་གྱིས་མཁྱེན་ཕྱིར་བྲིས་པ་འོ།།
རང་དང་དངོས་སུ་མཇལ་མ་མྱོང་བའི་དྲྭ་གྲོགས་མང་པོ་ཞིག་ལ། རང་ཉིད་ཀྱི་རང་བཞིན་བརྗོད་པའི་ངོ་སྤྲོད་འདི་འཕྲལ་བྲིས་བྱེད་པོ་ནི་ཤཱཀྱའི་དགེ་བསྙེན་བསྟན་འཛིན་ཆོས་ཀྱི་རྒྱལ་མཚན་ནོ།།
སྤྱི་ལོ་༢༠༢༠ཟླ་༡༢ཚེས་༦ལ།
རྒྱ་ཡིག 我的真實自傳
དབྱིན་ཇིའི་ཡིག My True Autobiography
བརྒྱུད་བསྐུར། Facebook 連結
མཆོག་སྨྱོན་པའི་ཚུལ།
- འདི་ནི་ང་ཡི་རྣམ་ཐར་ཐུན་མོང་མ་ཡིན་པ་ཡིན།
- འདི་ནི་ང་ཡི་གསང་རྣམ་ཡིན།
- ངའི་སྔོན་གནས་རྗེས་དྲན།
- ང་ལུང་གིས་ཟིན་འདུག
མཆོག་སྨྱོན་པའི་ཀ་རྩོམ།
- བོད་ལ་ཕུལ་བའི་བོད་ཡིག་གི་སེམས་འཕྲིན།
- སྤྲུལ་སྐུས་མཁན་པོ་ལ་བསྙད་འཚོལ་བ།
- སྤྲུལ་སྐུ་ཚོ་ང་ཚོས་ཅི་ལྟར་བྱེད་རྒྱུ་ཡིན།
- སྔགས་པ་ཚོས་ཚོད་ཟུངས་དང་དགའ།
- ཀ་མད་སུམ་ཅུ་ལུགས་ལྡོག་གི་སྙིང་གཏམ་འཁོར་བ་ཕྱིར་ལྡོག་གི་གདམས་པ།
- བོད་ཀྱི་མཁའ་འགྲོ་མ་དྲན་པའི་ངང་ཐུང་གི་གླུ་ཆུང་།
- དགའ་དད་ཀྱི་ཀློང་དུ་བཞུགས་པའི་སྐྱེས་མཆོག་ཅིག་ལ་ཕུལ་བའི་ཀ་རྩོམ།
- རབ་སྔགས་གཉིས་འཛོམས་སྔ་འགྱུར་བསྟན་འཛིན་མཐུན།
- བསམ་གཏན་པའི་ཁ་སྤུ་ལས་བརྩམས་པའི་ཀ་རྩོམ།
