ཤ་ཟོས་པ་འདི་རང་གི་དངོས་སུ་སྲོག་མ་བཅད་ཀྱང་། དེ་ལ་བགྱིད་དུ་བརྩལ་བ་དང་རྗེས་སུ་ཡི་རང་བ་གཉིས་ཀྱིས་སྡིག་པ་བསགས་འདུག དེས་ན་གནས་གང་དུ་སྐྱེས་ཀྱང་དེའི་རྣམ་པར་སྨིན་པ་ནི། རང་གི་ལུས་ཐོག་ཏུ་མྱོང་དགོས་ངེས་ཡིན་པས།

དེས་ན་གཟབ་གཟབ་ནན་པོ་མ་བྱས་ན་དོན་མེད་ལས་ངན་བསགས་ངེས་ཡིན་འདུག་པས་ཀུན་གྱིས་ཐུགས་བསམ་རེ་བཞེས་རོགས། དེང་སང་གི་གནས་སྟངས་ལ་གཞིག་ན། སྐད་ཆ་བདེན་པ་བཤད་ན་མིའི་སེམས་ལ་མི་དགའ་བར་གྱུར།

ཁྱོད་བཟང་ང་བཟང་ཟེར་ཚར་དུས་གླེང་རྒྱུ་མེད་པ་གྱུར་སོང་བ་རེད། དེས་ན་ཁྱོད་ངན་ང་བཟང་ཁྱེད་རྫུན་ང་བདེན་ཁྱེད་ཀྱི་དེ་དགག་བྱ་ང་ཡི་འདོད་པ་སྒྲུབ་བྱ་བྱེད། ཕན་ཚུན་བཤད་པ་བྱེད་གི་ཡོད་རེད། དེ་དུས་ཆོས་དང་གང་ཟག་ལ་བསྐུར་འདེབས་ངེས་པར་འགྱུར་གི་རེད།

དམར་ཟས་ཟ་མཁན་རྣམས་ཀྱིས་དམར་ཟས་ཟོས་པའི་མཇུག་འབྲས་ནི། བཤས་ཁང་ཚོ་ལ་མ་རྐང་འཛུགས་མཁན་ཞིག་ཏུ་འགྱུར་རྒྱུ་དེ་རེད། དེས་ན་དེའི་ནང་ནས་སེམས་ཅན་བསད་ཚད་ཀྱི་འགན་དེ་ཁྱོད་ཀྱིས་འཁུར་དགོས་པས་ཐུགས་བསམ་རེ་བཞེས་རྒྱུ་གལ་ཆེ།

དག་སྣང་སྦྱང་དགོས་ཟེར་བ་ནི། ཐམས་ཅད་གསེར་དུ་སྒོམ་ཐམས་ཅད་དངུལ་དུ་སྒོམ་ཞེས་པའི་དོན་དུ་གོ་ན་ཅུང་ཟད་མི་འགྲིག

སྡིག་པ་ལ་འགྱོད་བཤགས་བྱེད་ཟེར་བ་དེ། དཔེར་ན། སྟོད་ཐུང་བཙོག་པ་ཆགས་ན། དེ་ཁྲུས་ནས་གཙང་མ་བཟོ་བ་དང་གཅིག་པ་ཡིན། དེ་མིན་གོས་ལ་དྲི་མ་གཏན་ནས་མེད་ན། དེ་ཡང་ཡང་བཀྲུ་མི་དགོས་པ་ལྟ་བུ་ཡིན།

དཀར་ཟས་ཀྱི་འཚོ་བ་ནི། གཞན་གྱི་ཚེ་སྲོག་ལ་དབང་ཡོད་མི་བྱེད་པ། གཞན་གྱི་ཚེ་སྲོག་ལ་གུས་ཞབས་ཡོད་པ། རང་གཞན་གཉིས་ཀྱི་ཚེ་སྲོག་ལ་ཐོབ་ཐང་འདྲ་མཉམ་ཡོད་པ་དང་། ཆོས་ལུགས་ཙམ་ཞིག་མ་ཡིན་པར་འཇིག་རྟེན་ན་གནས་པའི་སྲོག་ལྡན་ཀུན་ལ་