༼ ཉིན་རེར་བཞིན་བྱང་ཆུབ་སེམས་ལ་བསྟོད་པ། ༽
༼ ༤༡ ༽
༄། །རང་དོན་ཡིད་བྱེད་འདི་མེད་ན།།
སེམས་ཀྱི་སྡུག་བསྔལ་མ་ལུས་འཛད།།
གཞན་གྱི་དོན་དུ་སེམས་བསྐྱེད་ན།།
ཀུན་ཀྱང་བདེ་བའི་ས་ལ་སྦྱོར།།
༼ ༤༢ ༽
ས་སྟེང་འདི་ན་མི་ཀུན་གྱིས།།
སྨོད་དང་རྡེག་སོགས་ཅི་བྱས་ཀྱང་།།
དེ་ལ་ཁྲོ་མེད་སྙིང་བརྩེ་བ །།
བྱང་ཆུབ་སེམས་ཀྱི་ཁྱད་ཆོས་སོ།།
༼ ༤༣ ༽
འཁོར་ལོ་སྒྱུར་པའི་རྒྱལ་པོས་ཀྱང་།།
རྨི་ལམ་དུ་ཡང་མ་རྨིས་ན།།
བྱང་ཆུབ་སེམས་ཀྱི་ཡོན་ཏན་ནི།།
ཁོ་བོས་ཤེས་འདི་སྐལ་བ་བཟང་།།
༼ ༤༤ ༽
བྱང་ཆུབ་སེམས་དང་ལྡན་པའི་མིར།།
བསྐྱེད་རྫོགས་བཟླས་བརྗོད་མེད་ཀྱང་སླ།།
ཡིད་བཞིན་ནོར་བུ་ཡོད་གྱུར་ན།།
གསེར་དངུལ་ནོར་སོགས་མེད་ཀྱང་ཆོག།
༼ ༤༥ ༽
བྱང་ཆུབ་སེམས་མཆོག་རིན་པོ་ཆེ།།
མཁས་པས་དཔེ་ཡིས་མཚོན་པར་དཀའ།།
ཡིད་བཞིན་ནོར་བུ་རིན་པོ་ཆེ།།
འབྱོར་ལྡན་གྱིས་ཀྱང་ལོན་པར་དཀའ།།
དཔལ་ཡུལ་མཆོག་སྤྲུལ་མིང་འཛིན་ནས་
སྤྱི་ལོ་༢༠༢༠ཟླ་༡༢ཚེས་༥ནས་ཟླ་༡༢ཚེས་༩བར་ལ་ཕུལ།
རྒྱ་ཡིག 菩提心讚頌 41 – 45
དབྱིན་ཇིའི་ཡིག Praises on Bodhicitta 41 – 45
བྱང་ཆུབ་སེམས་དཔའི་སྤྱོད་པ་ལ་འཇུག་པ།
བྱང་ཆུབ་སེམས་ལ་བསྟོད་པའི་རིམ་པ།
- བསྟོད་པ་སྐབས་༡ནས་༥བར། བྱང་ཆུབ་སེམས་མཆོག་རིན་པོ་ཆེ།།
- བསྟོད་པ་སྐབས་༦ནས་༡༠བར། མ་རིག་མུན་པ་སེལ་བ་ལ།།
- བསྟོད་པ་སྐབས་༡༡ནས་༡༥བར། བྱང་ཆུབ་སེམས་མཆོག་འདི་མེད་ན།།
- བསྟོད་པ་སྐབས་༡༦ནས་༢༠བར། མཚུངས་མེད་བྱང་ཆུབ་སེམས་མཆོག་ལ།།
- བསྟོད་པ་སྐབས་༢༡ནས་༢༥བར། སྙིང་རྗེའི་རྐྱེན་ལས་བྱང་ཆུབ་སེམས།།
- བསྟོད་པ་སྐབས་༢༦ནས་༣༠བར། དགེ་རྩ་བྱང་ཆུབ་བར་མི་འཛད།།
- བསྟོད་པ་སྐབས་༣༡ནས་༣༥བར། སྙིང་རྗེ་ཆེན་པོའི་བློ་སྟོབས་ཀྱིས།།
- བསྟོད་པ་སྐབས་༣༦ནས་༤༠བར། བཀྲེས་པ་རྣམས་ལ་ཟས་མཆོག་སྟེ།།
- བསྟོད་པ་སྐབས་༤༦ནས་༥༠བར། བྱང་ཆུབ་སེམས་ཀྱིས་རང་འདོད་བློ།།
- བསྟོད་པ་སྐབས་༥༡ནས་༥༥བར། དམིགས་བཅས་དམིགས་མེད་ཚོགས་གཉིས་པོ།།
- བསྟོད་པ་སྐབས་༥༦ནས་༦༠བར། བྱང་ཆུབ་སེམས་འདི་ལྡན་གྱུར་ན།།
- བསྟོད་པ་སྐབས་༦༡ནས་༦༥བར། བྱང་ཆུབ་སེམས་འདི་ལྡན་གྱུར་ན།།
- བསྟོད་པ་སྐབས་༦༦ནས་༧༠བར། བྱང་ཆུབ་སེམས་ཀྱི་སྡོམ་ཉམས་ན།།
- བསྟོད་པ་སྐབས་༧༡ནས་༧༥བར། བྱང་ཆུབ་སེམས་ཀྱི་ནོར་ལྡན་ན།།
- བསྟོད་པ་སྐབས་༧༦ནས་༨༠བར། སྟོང་ཉིད་རྟོགས་པའི་ཡེ་ཤེས་ཀྱང་།།
- བསྟོད་པ་སྐབས་༨༡ནས་༨༨བར། བྱང་ཆུབ་སེམས་ཀྱི་ཡོན་ཏན་ནི།།
