avalokiteshvara20201108 ༼ ཉིན་རེར་བཞིན་བྱང་ཆུབ་སེམས་ལ་བསྟོད་པ། ༽

༼ ༥༦ ༽ ༄། །བྱང་ཆུབ་སེམས་འདི་ལྡན་གྱུར་ན།། སྐྱེ་འཆི་བར་དོའི་སྐབས་ཀུན་ཏུ།། འཇིགས་པ་མེད་ཅིང་སླར་སྤྲོ་བ།། མཚོ་ལ་ངང་མོ་འཇུག་པ་བཞིན།།

༼ ༥༧ ༽ བྱང་ཆུབ་སེམས་དང་ལྡན་གྱུར་ན།། རི་རབ་བཞིན་དུ་འགྱུར་བ་མེད།། སེངྒེས་སྒྲ་ཆེན་སྒྲོག་པ་ན།། ཝ་སྐྱེས་ཐམས་ཅད་ཞུམ་ལ་ལྟོས།།

༼ ༥༨ ༽ བྱང་ཆུབ་སེམས་དང་ལྡན་པའི་མིར།། ས་སྐྱོང་རྣམས་ཀྱང་བྲན་ལྟར་འདུད།། དབྱར་རྔའི་སྒྲ་ཆེན་ལྡིར་བ་ན།། རྨ་བྱས་ཟློས་གར་བསྒྱུར་ལ་ལྟོས།།

༼ ༥༩ ༽ སྙིང་གི་ནང་གི་ཉི་མ་དང་།། སེམས་ཀྱི་དཀྱིལ་གྱི་ཟླ་བ་བཞིན།། བྱང་ཆུབ་སེམས་མཆོག་རིན་པོ་ཆེ།། མ་བསྟེན་མུན་པ་ཇི་ལྟར་སེལ།།

༼ ༦༠ ༽ བྱང་ཆུབ་སེམས་ཀྱིས་མི་ཁ་སེལ།། བྱང་ཆུབ་སེམས་ཀྱིས་གཏམ་ངན་སེལ།། བྱང་ཆུབ་སེམས་ཀྱིས་འཇིགས་པ་སེལ།། བྱང་ཆུབ་སེམས་ཀྱིས་སྡུག་བསྔལ་སེལ།།

དཔལ་ཡུལ་མཆོག་སྤྲུལ་མིང་འཛིན་ནས་ སྤྱི་ལོ་༢༠༢༠ཟླ་༡༢ཚེས་༢༠ནས་ཟླ་༡༢ཚེས་༢༤བར་ལ་ཕུལ།

རྒྱ་ཡིག   菩提心讚頌 56 – 60 དབྱིན་ཇིའི་ཡིག   Praises on Bodhicitta 56 – 60 བྱང་ཆུབ་སེམས་དཔའི་སྤྱོད་པ་ལ་འཇུག་པ། བྱང་ཆུབ་སེམས་ལ་བསྟོད་པའི་རིམ་པ།