avalokiteshvara20201109 ༼ ཉིན་རེར་བཞིན་བྱང་ཆུབ་སེམས་ལ་བསྟོད་པ། ༽

༼ ༦༡ ༽ ༄། །བྱང་ཆུབ་སེམས་འདི་ལྡན་གྱུར་ན།། སྲིད་གསུམ་འཇིག་ཀྱང་མི་སྐྲག་སྟེ།། འགྲོ་བ་ཀུན་གྱི་སྐྱབས་གྱུར་པ།། འདི་ལས་གཞན་དུ་ཡོད་མ་ཡིན།།

༼ ༦༢ ༽ སྨན་གྱི་མཆོག་ནི་ཨ་རུ་ར།། ཡིད་བྱེད་མཆོག་ནི་བྱང་ཆུབ་སེམས།། མྱུར་ཏུ་བགྲོད་ས་འོད་ཟེར་ཏེ།། ཕ་རོལ་འགྲོ་བ་བྱང་ཆུབ་སེམས།།

༼ ༦༣ ༽ ཡང་དག་བྱང་ཆུབ་སེམས་ལྡན་ན།། ཚུལ་ཁྲིམས་ཏིང་འཛིན་ཤེས་རབ་དང་།། ཐོས་བསམ་སྒོམ་སོགས་ཡོན་ཏན་ཀུན།། མ་འབད་ན་ཡང་ངང་གིས་འགྲུབ།།

༼ ༦༤ ༽ སྙན་ངག་སྨྲ་བ་རྣམས་ལ་ནི།། མེ་ཏོག་པདྨ་ཚིག་གི་རྒྱན།། འགྲོ་བའི་དོན་རྣམས་སྒྲུབ་པ་ལ།། བྱང་ཆུབ་སེམས་ནི་དོན་གྱི་རྒྱན།།

༼ ༦༥ ༽ བྱང་ཆུབ་སེམས་དང་ལྡན་གྱུར་ན།། ལྟ་བ་སྟོང་ཉིད་ཆེན་པོ་ཡང་།། མ་བསྒོམས་ན་ཡང་མངོན་དུ་འགྱུར།། འདི་ལས་ཟབ་པའི་ཆོས་ཞིག་མེད།།

དཔལ་ཡུལ་མཆོག་སྤྲུལ་མིང་འཛིན་ནས་ སྤྱི་ལོ་༢༠༢༠ཟླ་༡༢ཚེས་༢༥ནས་ཟླ་༡༢ཚེས་༢༩བར་ལ་ཕུལ།

རྒྱ་ཡིག   菩提心讚頌 61 – 65 དབྱིན་ཇིའི་ཡིག   Praises on Bodhicitta 61 – 65 བྱང་ཆུབ་སེམས་དཔའི་སྤྱོད་པ་ལ་འཇུག་པ། བྱང་ཆུབ་སེམས་ལ་བསྟོད་པའི་རིམ་པ།