བསམ་གཏན་པའི་ཁ་སྤུ་ལས་བརྩམས་པའི་ཀ་རྩོམ།

༼ བསམ་གཏན་པའི་ཁ་སྤུ་ལས་བརྩམས་པའི་ཀ་རྩོམ། ༽

༄།། ཀ་པ་ལ་ཡི་སྤུ་བཏོགས་ནས།། ཁ་ཡི་ཟུར་ལ་བཙུགས་པ་འདྲ།། གར་ཡང་བྱོན་པའི་རྒྱ་གར་པ།། ང་ཡིས་ཁྱེད་ལ་རྩོམ་ཞིག་འབྲི།།

ཅ་ག་ཡོད་ཚད་ལུས་ལ་ཁྱེར།། ཆ་ལུགས་གོས་ལྭ་རིང་པོ་མནབ།། ཇ་ཡི་ཕ་ས་རྒྱ་ཡུལ་དུ།། ཉ་བའི་རིགས་ཀུན་ཆོས་ལ་བཙུད།།

ཏཱ་ཐ་རྡོ་རྗེ་གཅོད་པའི་བཀའ།། ཐ་དད་མ་ཡིན་ཐུགས་ལ་འབྱོར།། ད་ལྟ་ཞི་གནས་བསམ་གཏན་གྱི།། ན་ཚོད་ཤེས་རབ་ཀློང་དུ་རྫོགས།།

པ་ར་མི་ཏའི་མདོ་སྡེ་ལས།། ཕར་ཕྱིར་དྲུག་ལྔ་གཙོར་འདོན་སྲོལ།། བ་གླང་བླུན་སྒོམ་ལས་འདས་པ།། མ་ལུས་བཞུགས་པ་ཁྱེད་ཀྱི་དྲིན།།

ཙ་རི་ཏྲ་ལ་མ་བསྐོར་ཞིང་།། ཚ་བའི་ཡུལ་ནས་རྒྱ་ལ་བསླེབས།། ཛ་ཡའི་བསྟན་འཛིན་ཉེར་བརྒྱད་པ།། ཝ་ལེར་ཁྱེད་རང་དྲན་ནས་བྱུང་།།

ཞྭ་མོ་མེད་པར་ལྷམ་གཅིག་བསྣམས།། ཟ་མ་ཏིང་འཛིན་ཟས་ཀྱིས་འཚོ།། འ་འུར་ལོ་དགུར་ངག་བཅད་ནས།། ཡ་གི་འཕགས་པའི་ཏིང་འཛིན་བསྒོམས།།

ར་བ་བྲག་གིས་བསྐོར་བའི་གནས།། ལ་མིང་ཧི་ནན་རི་བོ་ནས།། ཤ་ཆང་བདུད་རྩི་མ་རོལ་བར།། ས་དེར་ཁྱེད་ཀྱིས་ཆོས་ལུགས་སྤེལ།། ཧ་ཅང་བསམ་གཏན་ལ་དད་པའི།། ཨ་ལག་མཆོག་སྤྲུལ་འབོད་དེས་བྲིས།།

དམིགས་བསལ་ཞུ་འདོད་ཡོད་པ་ཞིག་ནི་རྒྱ་ནག་བསམ་གཏན་ཆོས་ལུགས་ལ་རྒྱུས་ལོན་བྱེད་འདོད་ཡོད་མཁན་ཚོས།

སྐད་གཉིས་སྨྲ་བའི་མཁས་དབང་ཆེན་པོ་རྫ་ཚེ་རིང་བཀྲ་ཤིས་ཀྱིས་བསྒྱུར་བའི་དམ་ཆོས་རིན་པོ་ཆེ་སྟེགས་བུའི་མདོ་ལ་ཞིབ་གཟིགས་རེ་གནང་རོགས། ཁོང་གིས་བསྒྱུར་བ་དེ་ཧ་ཅང་ཡག་པོ་ཡོད།

སྤྱི་ལོ་༢༠༢༠ཟླ་༡༢ཚེས་༨ལ།

བརྒྱུད་བསྐུར།    Facebook མཆོག་སྨྱོན་པའི་ཀ་རྩོམ།

• བོད་ལ་ཕུལ་བའི་བོད་ཡིག་གི་སེམས་འཕྲིན།
• སྤྲུལ་སྐུས་མཁན་པོ་ལ་བསྙད་འཚོལ་བ།
• སྤྲུལ་སྐུ་ཚོ་ང་ཚོས་ཅི་ལྟར་བྱེད་རྒྱུ་ཡིན།
• སྔགས་པ་ཚོས་ཚོད་ཟུངས་དང་དགའ།
• ཀ་མད་སུམ་ཅུ་ལུགས་ལྡོག་གི་སྙིང་གཏམ་འཁོར་བ་ཕྱིར་ལྡོག་གི་གདམས་པ།
• བོད་ཀྱི་མཁའ་འགྲོ་མ་དྲན་པའི་ངང་ཐུང་གི་གླུ་ཆུང་།
• རབ་སྔགས་གཉིས་འཛོམས་སྔ་འགྱུར་བསྟན་འཛིན་མཐུན།
• དགའ་དད་ཀྱི་ཀློང་དུ་བཞུགས་པའི་སྐྱེས་མཆོག་ཅིག་ལ་ཕུལ་བའི་ཀ་རྩོམ།
• རང་ཚུལ་དྲང་པོར་བརྗོད་པའི་གཏམ་ཞེས་བྱ་བ་བཞུགས།