༼ སྤྲུལ་སྐུས་མཁན་པོ་ལ་བསྙད་འཚོལ་བ། ༽
༄།། ཀ་ཡེ་གསོན་དང་དགེ་བཤེས་མཁན་པོ་ཚོ།། ཁ་བཤད་རྐྱང་པས་མི་ཚེ་མི་སྐྱེལ་བར།། ག་རུ་ཕྱིན་ཀྱང་རང་གི་སེམས་ལ་ལྟོས།། ང་ཞེས་གྲུབ་དང་མ་གྲུབ་ལེགས་པར་བརྟག།
ཅ་ཅོ་ཆབ་སྲིད་དང་འདྲེས་ཆོས་བཤད་དང་།། ཆ་ལུགས་ངུར་སྨྲིག་གྱོན་ནས་གྲོང་སྒོར་འཁྱམས།། ཇ་ཁང་ཟ་ཁང་ཀུན་ཏུ་དམར་འཛོ་འཛོ།། ཉ་མོ་འཁྱུག་འདྲའི་འཁྲབ་སྟོན་བྱེད་མ་འདུག།
ཏ་ཐཱ་ག་ཏཱའི་གཞུང་ལུགས་ཟབ་མོའི་དོན།། ཐ་ན་ཚིག་ཙམ་མི་ཤེས་མཁན་མིང་ཅན།། ད་ལོ་ན་ནིང་ཇེ་མང་ཇེ་མང་རེད།། ན་ཚོད་རྒས་ཀྱང་རང་རྒྱུད་ཀྱང་མ་ཐུལ།།
པ་ར་མི་ཏ་ཕ་རོལ་ཕྱིན་པའི་ཆོས།། ཕ་རོལ་དམའ་འབེབས་རྩེད་མོ་རྩེད་ཆས་བྱེད།། བ་ལང་མི་ཐོད་བཙུན་གཟུགས་འཛིན་མཁན་ཚོ།། མ་རྒན་མགོ་སྐོར་གཏོང་ན་ཁྲམ་པ་ཡིན།།
ཙ་རིའི་ལམ་བཞིན་རང་རྒྱུད་ཤིན་ཏུ་འཁྱོག། ཚ་ན་བཞུ་སླ་གྲང་ན་འཁྱག་འགྲོ་ཞིང་།། ཛ་ཡེའི་གྲོགས་སུ་བསྟེན་ན་མགོ་བསྐོར་བའི།། ཝ་མོ་ལྟ་བུའི་གཤིས་ཀ་སྡུག་པ་ལ།།
ཞྭ་མོ་གྱོན་ཤེས་ཙམ་གྱིས་མཁས་པ་མིན།། ཟ་ལུགས་འགྲོ་ལུགས་ཀུན་དང་བསྟུན་མི་ཤེས།། འ་འུར་སྒྲོག་ལ་ཁྱི་ལས་སྐད་གསང་མཐོ།། ཡ་ཡ་ལྟོས་ལྟོས་ཟེར་ཡང་ང་མི་སྐྲག།
རྭ་མགོ་ཅན་བཞིན་ཀུན་དང་མཐུན་མི་ཤེས།། ལ་ལུང་མེད་པར་སྤྲུལ་རྫུན་མང་འདུག་ཟེར།། ཤ་ཚ་མེད་པའི་རྟོག་གེ་མགོ་མཁྲེགས་ཚོ།། ས་ཆ་གང་དུ་འདུག་ཀྱང་རྩོད་དགོས་ཡ།། ཧ་ཧ་སྤྲུལ་སྐུའི་ལམ་ལུགས་སྣུབ་མཁན་ཚོ། ། ཨ་རོ་སྡོད་དང་དགའ་ཞེས་འབོད་བསྐུལ་ཡིན། །
དཔལ་ཡུལ་མཆོག་སྤྲུལ་མིང་འཛིན་ནས་སྤྱི་ལོ་༢༠༢༠ཟླ་༡༡ཚེས་༢༦ལ།
བརྒྱུད་བསྐུར། Facebook མཆོག་སྨྱོན་པའི་ཀ་རྩོམ།
- བོད་ལ་ཕུལ་བའི་བོད་ཡིག་གི་སེམས་འཕྲིན།
- སྤྲུལ་སྐུ་ཚོ་ང་ཚོས་ཅི་ལྟར་བྱེད་རྒྱུ་ཡིན།
- སྔགས་པ་ཚོས་ཚོད་ཟུངས་དང་དགའ།
- ཀ་མད་སུམ་ཅུ་ལུགས་ལྡོག་གི་སྙིང་གཏམ་འཁོར་བ་ཕྱིར་ལྡོག་གི་གདམས་པ།
- བོད་ཀྱི་མཁའ་འགྲོ་མ་དྲན་པའི་ངང་ཐུང་གི་གླུ་ཆུང་།
- དགའ་དད་ཀྱི་ཀློང་དུ་བཞུགས་པའི་སྐྱེས་མཆོག་ཅིག་ལ་ཕུལ་བའི་ཀ་རྩོམ།
- རབ་སྔགས་གཉིས་འཛོམས་སྔ་འགྱུར་བསྟན་འཛིན་མཐུན།
- རང་ཚུལ་དྲང་པོར་བརྗོད་པའི་གཏམ་ཞེས་བྱ་བ་བཞུགས།
- བསམ་གཏན་པའི་ཁ་སྤུ་ལས་བརྩམས་པའི་ཀ་རྩོམ།