༼ ཉིན་རེར་བཞིན་བྱང་ཆུབ་སེམས་ལ་བསྟོད་པ། ༽
༼ ༡༡ ༽
༄། །བྱང་ཆུབ་སེམས་མཆོག་འདི་མེད་ན།།
བསྙེན་སྒྲུབ་ལས་ལ་འབད་པ་དང་།།
ཕྱག་རྫོགས་ཇི་ལྟར་བསྒོམས་ན་ཡང་།།
སངས་རྒྱས་རྒྱུ་རུ་འགྱུར་བ་དཀའ།།
༼ ༡༢ ༽
འགྲོ་མང་གྲངས་དང་བསྐལ་མང་ཡུན།།
དཀའ་ཚེགས་ཆེན་པོ་ཅི་བྱུང་ཡང་།།
མི་སྐྱོ་སླར་ཡང་སྤྲོ་བ་འཕེལ།།
བྱང་ཆུབ་སེམས་ནི་དཔའ་བོ་མཆོག།
༼ ༡༣ ༽
བྱང་ཆུབ་སེམས་མཆོག་སྐྱེས་ནས་བཟུང་།།
ཆགས་སོགས་ཉོན་མོངས་འཕྲལ་དུ་ཞི།།
ཀུན་ཏུ་དགེ་བའི་བཤེས་དང་འཕྲད།།
ལུས་བདེ་སེམས་སྐྱིད་ངལ་གསོ་ཐོབ།།
༼ ༡༤ ༽
བྱང་ཆུབ་སེམས་ནི་གསེར་དང་མཚུངས།།
ཕྱུག་པོའི་རེ་བ་སྐོང་ནུས་ཤིང་།།
དབུལ་པོའི་བཀྲེས་པའང་སེལ་བར་ནུས།།
ཀུན་དགའ་དོན་གྲུབ་འདི་ལས་ཅི།།
༼ ༡༥ ༽
བྱང་ཆུབ་སེམས་ནི་ས་གཞི་ལྟར།།
རྒྱུ་དང་མི་རྒྱུའི་རྟེན་བྱེད་ཅིང་།།
བཟང་ངན་ཀུན་ཀྱང་འདེགས་པར་ནུས།།
ཀུན་ལ་བཏང་སྙོམས་ཆེན་པོའོ།།
དཔལ་ཡུལ་མཆོག་སྤྲུལ་མིང་འཛིན་ནས་
སྤྱི་ལོ་༢༠༢༠ཟླ་༡༠ཚེས་༥ནས་ཟླ་༡༡ཚེས་༩བར་ལ་ཕུལ།
རྒྱ་ཡིག 菩提心讚頌 11 – 15
དབྱིན་ཇིའི་ཡིག Praises on Bodhicitta 11 – 15
བྱང་ཆུབ་སེམས་དཔའི་སྤྱོད་པ་ལ་འཇུག་པ།
བྱང་ཆུབ་སེམས་ལ་བསྟོད་པའི་རིམ་པ།
- བསྟོད་པ་སྐབས་༡ནས་༥བར། བྱང་ཆུབ་སེམས་མཆོག་རིན་པོ་ཆེ།།
- བསྟོད་པ་སྐབས་༦ནས་༡༠བར། མ་རིག་མུན་པ་སེལ་བ་ལ།།
- བསྟོད་པ་སྐབས་༡༦ནས་༢༠བར། མཚུངས་མེད་བྱང་ཆུབ་སེམས་མཆོག་ལ།།
- བསྟོད་པ་སྐབས་༢༡ནས་༢༥བར། སྙིང་རྗེའི་རྐྱེན་ལས་བྱང་ཆུབ་སེམས།།
- བསྟོད་པ་སྐབས་༢༦ནས་༣༠བར། དགེ་རྩ་བྱང་ཆུབ་བར་མི་འཛད།།
- བསྟོད་པ་སྐབས་༣༡ནས་༣༥བར། སྙིང་རྗེ་ཆེན་པོའི་བློ་སྟོབས་ཀྱིས།།
- བསྟོད་པ་སྐབས་༣༦ནས་༤༠བར། བཀྲེས་པ་རྣམས་ལ་ཟས་མཆོག་སྟེ།།
- བསྟོད་པ་སྐབས་༤༡ནས་༤༥བར། རང་དོན་ཡིད་བྱེད་འདི་མེད་ན།།
- བསྟོད་པ་སྐབས་༤༦ནས་༥༠བར། བྱང་ཆུབ་སེམས་ཀྱིས་རང་འདོད་བློ།།
- བསྟོད་པ་སྐབས་༥༡ནས་༥༥བར། དམིགས་བཅས་དམིགས་མེད་ཚོགས་གཉིས་པོ།།
- བསྟོད་པ་སྐབས་༥༦ནས་༦༠བར། བྱང་ཆུབ་སེམས་འདི་ལྡན་གྱུར་ན།།
- བསྟོད་པ་སྐབས་༦༡ནས་༦༥བར། བྱང་ཆུབ་སེམས་འདི་ལྡན་གྱུར་ན།།
- བསྟོད་པ་སྐབས་༦༦ནས་༧༠བར། བྱང་ཆུབ་སེམས་ཀྱི་སྡོམ་ཉམས་ན།།
- བསྟོད་པ་སྐབས་༧༡ནས་༧༥བར། བྱང་ཆུབ་སེམས་ཀྱི་ནོར་ལྡན་ན།།
- བསྟོད་པ་སྐབས་༧༦ནས་༨༠བར། སྟོང་ཉིད་རྟོགས་པའི་ཡེ་ཤེས་ཀྱང་།།
- བསྟོད་པ་སྐབས་༨༡ནས་༨༨བར། བྱང་ཆུབ་སེམས་ཀྱི་ཡོན་ཏན་ནི།།
