avalokiteshvara20201113 ༼ ཉིན་རེར་བཞིན་བྱང་ཆུབ་སེམས་ལ་བསྟོད་པ། ༽

༼ ༧༡ ༽ ༄། །བྱང་ཆུབ་སེམས་ཀྱི་ནོར་ལྡན་ན།། ལྷ་ཀླུ་མི་ཡི་ལོངས་སྤྱོད་དང་།། ཚངས་སོགས་མངའ་ཐང་མི་ལྡན་ཡང་།། འགྲོ་བ་ཀུན་གྱི་མཆོད་སྡོང་ཡིན།།

༼ ༧༢ ༽ སྟོང་གསུམ་ཚད་ལ་གཞལ་དུ་རུང་།། རྒྱ་མཚོ་སྣོད་ཀྱིས་ཕྱིར་གཤོར་རུང་།། བྱང་ཆུབ་སེམས་ཀྱི་ཡོན་ཏན་ནི།། སངས་རྒྱས་ཀྱིས་ཀྱང་བརྗོད་པར་དཀའ།།

༼ ༧༣ ༽ བྱང་ཆུབ་སེམས་འདི་སྒོམ་པ་ལ།། བློ་ཡིས་བཅོས་ནས་བཟོ་མི་དགོས།། མཁའ་དང་མཉམ་པའི་སེམས་ཅན་ལ།། སྙིང་རྗེ་སྒྱུ་མ་ལྟར་བསྒོམ་བྱ།།

༼ ༧༤ ༽ དེ་བཞིན་གཤེགས་པ་འགྲོ་བའི་མགོན།། མཚན་བཟང་དཔེ་བྱད་སྤྲས་པའི་སྐུ།། ཇི་ལྟ་ཇི་སྙེད་མཁྱེན་ལྡན་པ།། གང་དེ་བྱང་ཆུབ་སེམས་ལས་འཁྲུངས།།

༼ ༧༥ ༽ ཀུན་ལ་མཛེས་པ་བྱང་ཆུབ་སེམས།། ཀུན་ལ་དགའ་བ་བྱང་ཆུབ་སེམས།། ཀུན་ལ་ཕན་པ་བྱང་ཆུབ་སེམས།། ཀུན་ལ་བྱང་ཆུབ་སེམས་བསྐྱེད་ཤོག།

དཔལ་ཡུལ་མཆོག་སྤྲུལ་མིང་འཛིན་ནས་ སྤྱི་ལོ་༢༠༢༡ཟླ་༡ཚེས་༤ནས་ཟླ་༡ཚེས་༣བར་ལ་ཕུལ།

རྒྱ་ཡིག   菩提心讚頌 71 – 75 དབྱིན་ཇིའི་ཡིག   Praises on Bodhicitta 71 – 75 བྱང་ཆུབ་སེམས་དཔའི་སྤྱོད་པ་ལ་འཇུག་པ། བྱང་ཆུབ་སེམས་ལ་བསྟོད་པའི་རིམ་པ།