ཀ་པ་ལ་ཡི་སྤུ་བཏོགས་ནས།།
ཁ་ཡི་ཟུར་ལ་བཙུགས་པ་འདྲ།།
གར་ཡང་བྱོན་པའི་རྒྱ་གར་པ།།
ང་ཡིས་ཁྱེད་ལ་རྩོམ་ཞིག་འབྲི།།

ཀ་ཡེ་གསོན་དང་རབ་བྱུང་སྔགས་པ་ཚོ།།
ཁ་དོག་དཀར་དམར་ན་བཟའི་ཁྱད་ཙམ་ལས།།
ག་ནས་བལྟས་ཀྱང་ལྟ་སྒོམ་སྤྱོད་གསུམ་པོ།།
ང་ཡིས་བལྟས་ན་ཁྱད་པར་མེད་པར་མཐོང་།།

ཀ་བ་མེད་པའི་བྲག་ཕུག་སྟོང་པ་རུ། །
ཁ་རོག་མ་ཡིན་ཏིང་ངེ་འཛིན་ལ་བཞུགས། །
ག་ནས་མཇལ་ན་ཞེན་མེད་བྱ་བྲལ་བ། །
ང་ཡི་བླ་མ་མཁན་སྤྲུལ་རིན་པོ་ཆེ། །

ཀྭ་ཡེ་གསོན་དང་བོད་ཀྱི་མཁའ་འགྲོ་ཚོ།།
ཁ་དོག་དཀར་རྩི་དམར་རྩི་བྱུག་ལ་མཁས།།
ག་ནས་བལྟས་ཀྱང་གླུ་མ་གྲགས་ཅན་འདྲ།།
ང་ཚོ་འདོད་པའི་ཆང་གིས་མྱོས་ནས་ཡོད།།