དེང་སང་སུ་དང་སུ་ཡིན་རུང་གུ་རུ་རིན་པོ་ཆེ་ཟེར་ནས་ལྷ་རང་མཚན་པ་ཞིག་ཕར་གཅད། ང་ཟེར་ནས་མྱི་རང་མཚན་པ་ཞིག་ཚུར་བཟུང་ནས་གསོལ་འདེབས་མཆོད་བསྟོད་མང་པོ་ཞིག་གནང་གི་འདུག

དག་པ་ཞིག་ལ་དད་པ་འཇོག་པ་ནི་ཐུན་མོང་གི་ལམ་ཡིན་ལ། འོ་ན་མ་དག་པ་ཞིག་ལ་དད་པ་ཞོག་ན་རྡོ་རྗེ་ཐེག་པའི་ཐུན་མོང་མ་ཡིན་པའི་དག་སྣང་ཞེས་པའི་གོ་དོན་ཡིན་སྙམ།

།ང་ལྟ་བུ་ལ་ཆ་བཞག་ནས་རང་དགའ་ས་ཞིག་ལ་དེ་སྟོང་པ་ཉིད་རེད་ཟེར་གྱིས་མ་རེད། དེ་བས་ཀྱང་མི་དགའ་བ་ཞིག་ལ་དེ་བས་ཀྱང་སྟོང་ཉིད་དམིགས་མེད་དུ་འདོད་ཐུབ་ཀྱི་མ་རེད།

ང་ལ་འདི་ཕན་ཐོགས་ཞིག་དང་ཡང་ན་འདི་ང་ལ་གནོད་པ་སྤྲོད་ཀྱིས་རེད་ཟེར་བའི་བསམ་ཚུལ་འདི་ཡོད་ཕན་ཆད། སྟོང་ཉིད་ཀྱི་དོན་ཕྱོགས་ཙམ་མ་གོ་བའི་རྟགས་ཡང་དག་པ་ཞིག་རེད།

བསྒྲུབ་བྱ་གང་ཡིན་ཡང་འབད་བརྩོན་བྱ་རྒྱུ་གལ་ཆེ། འོན་ཀྱང་བསྒྲུབ་ཡུལ་གང་ཡིན་པ་དེ་ལ་བདེན་པའི་དམིགས་གཏད་ཀྱིས་ངེས་ཤེས་ནི་མེད་དུ་མི་རུང་བ་ཞིག་ཡིན།

འདུས་བྱས་ཀྱིས་དགེ་བ་གནད་དུ་ཁེལ་བ་ཞིག་མ་སྒྲུབ་ཕན་ཆད་འདུས་མ་བྱས་ཀྱི་གནས་ལུགས་ལ་བརྟན་པ་ཐོབ་པ་ཞིག་དཀའ་བར་སྣང་ངོ་།